Wednesday, September 11, 2013

The last part

thalassemia ka nam suntey hi sabki sansey jaise atak si gain. kisi ko vishvas nahi hua ki aisa bhi ho sakta hai.Ab har teesre mahine us bacchey ka blood transfusion hoga. Sabse badi bat ye ki us bacchey ki life bahut jyaada 12-14 sal tak hi rahegi.
Ghar me to jaise matam sa mahaul cha gya
Mummy.. kya hua?. School se ai Tia ne poocha.
Baby ka bukhar nahi utra kya??
Tarini ne usey seeney se chipka lia, Han beta baby bahut beemar hai.
Accha to doctor ne kya bola..??
Kuch nai beta tum apni dress change kar k fresh ho jao main snacks banati hun.. bhookh lagi hai na?/
Haaan.. mujhe cheez toast chahiye
ok abhi deti hun tum baby k pas hi a jana
samay beet raha tha.. teen mahine bad hi doctor ne baby jiska nam Tia ne angel rakha tha ko checkup k liye bulaya.
Tarun Angel ka blood transfusion karwana zaroori hai. bone marrow arrange karna hi hoga uper se tum logon ka blood group bhi same nahi hai.. Han agar Tia ka bone marrow mil jae to..
Ye ap kya keh rahin hain nai doctor Tia bahut choti hai vo is pain ko kaise bardasht kar paegi. Sorry meri ek beti pehle se hi takleef mein hai main doosri ko bhi takleef me nahi dal sakta
Per ye zaroori hai agar nahi kia gaya to angel ko kuch bhi ho sakta hai
lekin..
lekin kya Tarun tum or Tarini acchey se soch samajh lo fir mujhe sham tak batao iske alawa humare pas or koi option nahi hai.
Tarini ko laga jaisey uska dum ghut jaega vo apne ap ko kos rahi thi ki usne doosre baby ka decision lia hi kyun jab doctor ne pehle hi bta dia tha ki age factor ki wajah se baby ko kuch dikkat ho sakti hai
Ab khud ko kosne ka kaoi matlab nahi hai Tarini humein kuch to karna hi hoga
Lekin kaise Tarun. Tia bahut choti hai.. vo  nahi bardasht kar paegi ye sab.
Himmat Rakho sab theek hoga
Agle din subah Tarun Tarini Tia or Angel dono hoaspital a gae
Doctor ne Tia ka checkup Kia
Mujhe kuch hua hai kya?? Tia ne Doctor se poocha 
Apka nahi beta lekin apki Angel ho hua hai. Ap uski help karengi.??
Han karungi.. Mujhe kya karna hai??
Doctor ne usey Apni god me lekar poori bat aram se samjhai. Halaki Tia ko kuch hi bat samajh me ai lekin usey itna pta tha har teesre mahine usey baby k liye hospital ana hoga or uski help karni hogi
Doctor ne Tarini or Tarun ko bahar bhej dia.
kareeb Char ghantey k bad Tia bhi hosh me a gai.. uski peeth me thoda dard tha per vo theek thi
usne Angle ki taraf dekha. Vo ab bhi so rahi thi. usey drips chadh rahe they.
Mumma kahan hain mujhe ghar jana hai
Han beta papa or mumma dono bahar hi baithey hain.
Ab ap log bacchon ko ghar le ja saktey hain Angel ki drips bhi nikali ja rahi hai lekin har teesrey mahine per ye karna hoga
Okay Doctor hum regular checkup k liye atey raheynge.
Ghar ja kar Tarini bahut roi bahut der tak Tia ko seeney se chipkae rahi. Bahut dino k bad Tia itni der tak mummy ki godi me thi. Usey samajh nahi a raha tha ki ye ho kya raha hai per usey sirf itna pta tha ki use apni choti behen ko bachana hai uski help karni hai or uskey liye vo kuch bhi kar sakti thi.
yahi se tia ka sangharsh shuru ho chuka tha.
Aj is bat ko 16 sal beet chukey hain. kuch sal pehle hi angel ne dunia se vidai le lia lein Tia ko lagta ki ab bhi angel uskey sath hai har pal uske kareeb.
Tia ne college join kar lia hai sath ek choti si NGO chala rahi hai jo thalassemia se peedit bacchon k ilaj k liye madad kartey hain. Tia ne shadi na karne ka faisla lia hai taki poori zindagi apni behen ki yaad me doosron ki seva kar sakey.

Friday, September 6, 2013

struggle part 3

Aisa kun keh rahi ho tia??
han dekho na sab baby ko hi gifts de rahey hain koi mujhe nahi deta koi godi bhi nahi leta
aisa nahi hai beta baby abhi choti hai na isliye or tum mere pas ao meri godi me main hun na
Tia dadi ki godi me chadh gai.
Der rat tak party chali agley din ki subah kuch alag thi
Tarun dekho baby respond nahi kar rahi, Tarini ne Tarun se kaha
kya hua??
Han usey bukhar hai or ab tak ye uthi nai. Jagane per bhi respond nahi kar rahi..
Turant Doctor k pas chalna hoga.Maa Maa
han beta kya hua??
Maa hum log doctor k pas ja rahe hain baby ko kafi tez bukhar hai vo kuch respond nahi kar rahi.
Jao beta fikar mat karo sab accha hoga.Hey bhagwan kal tak to itni raunak thi ghar me aj dekho subah subah hi bacchey ki tabiyat kharab. Hey eeshwar sabki raksha karna
lekin doctor baby ko hua kya hai?? Tarun ne poocha
Baby ko check kartey hue doctor ne kaha main kuch test kar rahi hun reports aney per hi status clear hoga tab tak apko wait karna hoga.
Lekin.. iska bukhar. vo utar kyun nahi raha
Mr. Tarun please thoda patience rakhiye sab theek hoga
udhar Tarini ki bechaini bhi badh rahi thi ab tak baby ne doodh nahi pia tha besudh padi thi.
Doctor ne ek injection lagatey hue usey ek ghantey tak apne observation me le lia.
kareeb 45 minutes bad bacchi ne ankhein kholi. uska bukhar utar chuka tha. Vo bhookhi thi islie ro rahi thi
Doctor ne Tarini ko bulaya or baby ko feedingkarwane k liye de dia
Tarini is bat ka dhyan rakhiyega usjey kuch test or hone hain isliye bahut aram se feed kariyega usey ulti ho gai to dikkat ho jaega
Okay mam. Main dhyan rakhungi
sham tak sabhi tests ki report a gai.
Doctor is everything alright
Tarun or Tarini ne Doctor se poocha
Nahi.. Mamla thoda serious hai.
Kya hua Doctor bataiye to??
Drasal Tarun ji apki beti ko ek rare tarah ki beemari hai ko 1000 bacchey me kisi ek ko hoti hai
Matlab Doctor plz ap saf saf btaiye. Is bar Tarini ne kaha
Dekhiye apki beti ko thalassemia hai 
Kya nahi Doctor ap fir se tests karwaiye zaroor koi report galat ai hai
Nahi Tarini daraasal baby ko yahi beemari hai
Per aisa kaise ho sakta hai meri Tia bhi to normal hai??
Han main manti hun per ye beemar bahut rare kases me hoti hai or ye zaroori nahi ki agar pehle baby ko nahi hai to doosre ko bhi na ho
Tarun or Tarini k pairon taley zameen khisak gai. Dono sir pakad k bath gaye.


Wednesday, September 4, 2013

struggle part 2 continues

Akhirkar intezar ki ghadiyan khatam huin or Tia ki choti behen a gai. Ghar me sab bahut khush they. Sham ko Tia ne papa se sath chalne ki zid ki.
Papa mujhe bhi apke sath chalna hai. Mujhe bhi mummy se milna hai mummy kab aengi??
Beta mummy teen char din me ghar a jaengi. Tarun ne kaha or usey sath lekar chal dia.
Tia ne mummy ko dekha to vo saham si gai.
mymmy ko kya hua papa unke hath me pipe kyun laga hai ye salotape kyun laga hai.??
Tarun ne samjhaya, Daro nahi beta mummy ko drips chadhai ja rahi hai. Vo theek hain. Tia ne dheemey se mummy ki ungli pakadi.
Tia..kaesi hai meri  baby??
Mumma maine apko miss kia.. chota baby kidhar hai??
Vo dekho jhooley me hai
Main usey godi me lun??
Tarun or tarni dono hasne lage
tarun ne usey bad per baithaya or kaha abhi baby ko lata hun
usne baby ko sahara detey hue Tia ki godi me leta dia or pakdey raha taki kuch dikkat na ho jae.
Ooooooo. Baby kitni sunder hai na papa.. Red red gori gori
Han baby bilkul apki tarah. Ab bas lao usey de do doctor usey dekhne atey honge.
Tia wahan per kareeb teen ghante rahi jitni der rahi bacchey k pas hi rahi.
char din bad Tarini hospital se discharge ho kar ghar a gai.
Ghar bhar me logon k aney janey ka silsila shuru ho gya
Har koi naye mehman k ane ki khusi ka jashn mana raha tha koi uskey liye khilone lata to koi kapdey to koi baby kit. Panch sal ki Tia toys dekh k khush hoti per jab pta chalta ki sab baby k liye hai to fauran khilauney rakh deti. Ab usey ye lagne laga tha ki koi usey pyar nahi karta. Vo gumsum rehne lagi.
12 vein din bacchey ki barhi per bahut badi party rakhi gai. Sabhi Relatives or janney walon ko bulava bheja gaya tha. Tarun or Tarni k office k log bhi party me aney wale they.
Sham ko sab taiyar they. Tarini, Tarun, Tia, newly born baby or Tia ki dadi.
Tia sabkuch shant hoker dekh rahi thi.Achanak usne dadi se poocha
Dadi, ab koi mujhe pyar nahi karta na??

Tuesday, September 3, 2013

Struggle

Sabse pehle to sorry ki itne dino ya shayad sal k bad main fir se blog likh rahi hun per yakeen maniye is bar blogging band nahi hogi. kabhi samay to kabhi anya karano se main kafi samay blogging se door rahi per ek bar fir blogging ka keeda ya ye keh saktey hain ki is bar likhney k keedey ne bhi badi zor se kat liya hai.. hehehe. Anyways jokes apart. Apko btana chahungi ki maine comeback kiya hai bahut sari nai stories ke kar.. kuch dil ko choo jane wali kuch emotional kar dene wali kuch seekh dene wali to kuch hasne per majboor kar dene wali. Apne blog ka title padha hi hoga struggle Ji han life me hum sab struggle kar k hi agey badhtey hain. koi kam struggle me bahut kuch pa leta hai kuch bahut struggle karne k bad bhi safalta ka swad nahi chakh patey. ye kahani hai aisi hi ladki ki jisne bahut struggle kia.
Naam tha uska Tia. Gora rang, gehre bhoorey baal, choti si naak, badi badi ankhein or sabka dil jeet leney wali smile. Aisi hi thi panch saal ki Tia jo mummy se roz poochti, mummy chota baby kab aega ap meri behen kab laengi?? Mummy muskura k jawab deti bus beta doctor aunty ne kaha hai ek week bad baby a jaega. Tia ye sun k khush ho jati papa k pas daud k jati or godi me chadh kar poochti papa ap baby k liye bhi toy laenge na?? han Tia bilkul launga papa pyar se uskey mathey ko choomtey hue kehtey.. fir vo poochti ap mujhe jyada pyar karogey ya baby ko?? papa usey godi me utha k kehtey ap dono ko. Tia papa ko zor se hugg kar leti. Dekhtey hi dekhtey ek hafta bhi beet gya. Aj Tia ki mummy hospital jaengi. Tia bhahut khush hai. Vo dekh rahi hai ki papa bag taiyar kar rahe hain. Papa isme kya hai?? Beta isme mummy, aney waley baby k kapde or baki saman hai. To mummy wapas nai aengi kya?? bholi si Tia ne poocha. Ye sunker ek bar to jaisey Tia k papa Tarun ka dil hi baith gya per vo khud ko sambhaltey hue boley, Nahi Tia mummy wapas aengi leking unhey kuch din hospital me rehna padega doctor aunty k observation me taki vo bhi healthy rahein or baby bhi. Tia khush ho gai or main apka yahan khyal rakhungi. Han han bilkul ab meri Tia bhi to badi ho gai hai. Tarun ne kaha or apni maa ko awaz lagai maa ap Tia ko dekhiega main nikal raha hun. Tia baby ap dadi k pas rehna main thodi der me aunga. Ok papa Tia ne kaha
to be continued..
sara suspence agli post me :)