Thursday, December 20, 2012

kyun mushkil lagta hai mahilaon ko samajhna








Han aj ka topic yahi hai.. akser suney me ata hai kuch samay tak sab kuch theek rehne k bad achanak apka husband/ boyfriend/ wud b life partner apko kehta hai... ab bas karo yaar main or nahi jhel sakta.. jab dekho tab peechey hi padi rehti ho.. khana khaya... kya kar rahe hain... ghar kab tak aengey.... office me itni der ho gai... mera phone kyun nahi recieve kiya... mere msg ka jawaab kyun nahi diya.. mere liye koi gift kyun nahi liya.. apne kaha tha call karenge fir ap bhool kaise gae.. ye kuch batein aisi hain jo amuman har aadmi ko mahilaon se sunney ko mil jati hai...

lekin bjae is bat ko samajhne k ki mahilaon ka care karne ka tareeka hi yahi hai, purush in baton ko kuch is tarah se letey hain, jaisey vo koi bacchey hain or unki hamsafar unper believe nahi karti isiliye itni toka taki karti hain.. ghadi ghadi her cheez k liye yad dilati hain ki ye kiya ya nahi vo kiya ya nahi..

bat bilkul seedhi si hai mahilaein hamesha dil se sochti hain or purush dimag se.. mainey ek kitab me padha tha ki jab bhi purushon ko koi samasya hoti hai ve sabse bolna band kar detey hain..or jab tak vo samsya khatam nahi ho jati vo reserve ho jatey hain.. jabki iska  theek vipreet hota hai mahilaun k sath.. jab mahila samasya me hoti hai to usey ek aisey sath ki zaroorat hoti hai jo sirf uski bat sun le.. lekin purush ye bat samajhne k bjae mahila ko apna dimag kahin or divert karne ji salah detey hain solutions nikalne lagtey hain ya fir aisa pretend kar k condition panick kar detey hain jaise mahila ki samasya ka karan vahi hain.. jabki aisa hota nahi hai.. mahila sirf is bat k liye ashwast hona chahti hai ki hai mera wud b/husband/ boyfriend at least mere sath hai..bhale hi us samasya ka samadhan ho ya naho kam se kam mental or moral support milne se usey is bat ki tasalli milti hai ki han meri bhi koi fikra karta hai..


 koi is duniya me hai jisey meri parwah hai..lekin jab aisa nahi ho pata tab vo toot jati hai,, jab vo tooti hai tab ro kar apne man ko halka kar lene se bhi usey sukoon mil jata hai.. lekin sabsey jyada takleef tab hoti hai jab bajae uskey ansuon k mahatva ko samajhne k usey ye tane diye jaein ki vo kamzoor hai or mahilaein jeevan bhar roti hi rehti hain...purush ye nahi samajh pate ki rona bhi zaroori hai.. agar vo nahi roengi to unka depression kisi na kisi frustation k roop me bahar aega.. yadi kabhi aisa ho to usey support karein..usey gale se laga kar is bat ka ehsas karwaein ki han main tumhare pas hu.. tumhare sath hu.. hamesha.. agar aisa na kar paein to kam se kam usey kisi bat ko lekar ulahna na dein.. akhirkar vo mahila hi hai jo apke jeevan me akar khushiyan bharti hai apka khyal rakhti hai apke parivar apkey bacchon a khyal rahkti hai
uski housla afzai karein.. agar subah ek achhi se smile k sath apne pyar bhara good morning bhi bol diya to mahila utne me bhi khush ho jati hai.. uski choti choti khushiyon ka khayal rakhein..

 agar ap din me ek bar uskey khud phone kar k uska hal chal lengey ghar ki stithi k bare me poocheney.. usey din me ek bar bhi i love you ka msg bhej denge to vo santusht ho jati hai.. mahila ki khushi ka koi thikana hi nahi rahega or vo dugne utsah se har kam karegi.. kabhi ye na samjhein ki vo apko tok kar badl rahi hai.. nahi ye uske pyar jatane ka tareek hai jisey amuman har purush kuch samay bad ajhel samajhne lagta hai..bacchon k mamley me bhi yahi hai purush bacchon ko pyar kartein hai lekin kabhi jatatey nahi..


wahin mahila ek bacchey per apna pyaar poori tarah niyochavar kar deti hai.. har second usi ka dhyan rehta hai kyunki bacchon ko sirf pyar ki zaroorat hoti hai.. ye kehna ki bacchon ko pyaar isliye karti hai ki vo bacchey becharey kuch keh nahi saktey ya bol na pane k karan react nahi kar saktey.. ye  bilkul galat hai.. kisi mahila k liye sabsey jyada kashtprad yahi hota hai jab uskey unconditional love ko bojh samjha janey lagta hai.. tabhi to vo apna pyar bacchon per udelti hai.. kyunki bacchey bhi usi se unconditional pyar kartey hain jab koi unhein unconditional love de.

Tuesday, November 13, 2012

ye kaisa pyaar..!!!




hi friends m back... i know gap thoda jyada tha but kya karu kuch aisi majbooriyan thi ki net per baithne ka mauka hi nai mil pata tha. But anyways.. aj ka topic jara hat kar hai.. mujhe nahi pata kitne log is bat ka virodh karenge or kitne log sahyog.. fir bhi ye post update karna zaroori tha..

Pyaar.. ek aisa shabd jisme sari zindagi samai hai.. ek aisa ehsas jisey bayan nahi kiya ja sakta phir chahey vo dosto k beech ho parivar k sadasyon me bhai behen ka pyar ho ya fir do jodiyon ka.. akser dekha gya hai infact idhar kuch samay se mere as pas kuch aise logon ki ghatnaein hui or chal bhi rahi hain jisme do log kai sal se ek doosre ko chahtey hain shadi bhi hone wali hai

 ek joda aisa hai jiski shadi kareeb dus barah din bad hai, ek ki shadi agle saal k liye fix ho chuki hai.. ek ki mangni abhi pandrah din pehle hi hui abhi shadi ki date fix nahi hui hai..anyways.. han to main yahan bat karne ja rahi hu do jodiyon k pyaar ki, jo kai sal se ek doosre ko jantey hain or ek doosre k liye poori tarah samarpit hain.. ladkiyo me to yun bhi adat hoti hai ki ek bar kisi ko apna man liya ya kisi ko pyar kiya to uske lie na hi kuch galat bol sakti hain na hi soch sakti hain..


 even agar kabhi galati se oonchi awaaz me hi bol diya to jitni takleef saamne wale ko hoti hai shayad ussey kai guna zyada takleef usey khud hoti hai.. yahi karan hai ki vo turan sorry bol ker ya kai bar ro kar bhi khud sorry feel karti hai ki han mere se galti hui ya ye maine galaat liya to uske liye m sorry...




 but ladko k kai kases aj tak mujhe samjh nahi hai.. pehli bat ek to unme ego bahut hota hai.. doosra if u say i love you to anyone specialy ur beloved how can he b so rude to her.. man liya ki koi bat buri lag bhi gai hai to usme bat karna band kar dena kya kisi bat ka solution hai... agar aisa hai to ye kaisa pyar hai ki ap jisey khud itna pyar kartey ho usi ko itni takleef detey ho or apke oopar koi farak tak nahi padta.. in sab cheezon se to pyar per bhi shaq hota hai.. ki sach me vo vyakti apsey pyaar karta hai ya sirf dikhawa hai.. kyunki mere hisab se jo person apko pyar karta hoga atleast vo khud kabhi takleef ka karan nahi banega.. ladkihan agar kisi ko apna manti hain to unko takleef nahi de sakti... fir ladke kisi b bat ko leker apne beloved se harsh or rude kaisey ho saktey hain ye bat mujhe aj tak samajh nahi ai..kya unhey is bat ki takleef nahi hoti ki unkey rude vyavhar se unki love ka kya hal hota hoga..

mujhe nahi pta mera observation sahi hai ya galat.. magar fir bhi ap logon ki pratikriyaon ka intezaar rahega.